حساس معلومات کا تحفظ، وائٹ ہاﺅس میں صحافیوں کے داخلے پر نئی پابندیاں عائد کردی گئیں

واشنگٹن (صباح نیوز) امریکی صدر دفتر وائٹ ہاﺅس نے صحافیوں کے داخلے پر نئی پابندیاں عائد کر دیں۔غیر ملکی خبررساں ادارے کے مطابق صحافی اب پریس سیکرٹری اور دیگر اعلیٰ حکام کے دفاتر میں بغیر اجازت داخل نہیں ہو سکیں گے، نئی پالیسی کے تحت ”اپر پریس روم “میں داخلہ پیشگی اپائنٹمنٹ پر ممکن ہوگا۔اعلامیے کے مطابق صحافیوں کے داخلے پر پابندی کا فیصلہ فوری طورپر نافذ العمل ہوگا، اقدام حساس معلومات کے تحفظ کے لیے اٹھایا گیا ۔یاد رہے کہ پینٹاگون میں گزشتہ ماہ نافذ کی گئی اسی نوعیت کی پابندیوں کے بعد یہ دوسرا اقدام ہے۔