وفاقی کابینہ نے گوادر عمان فیری سروس کی منظوری دیدی

کراچی (ویب ڈیسک) وفاقی کابینہ نے گوادر عمان فیری سروس کی منظوری دیدی۔ ایک بیان میں وفاقی وزیر جنید انوار چوہدری نے کہا کہ وفاقی کابینہ کی منظوری کے بعد گوادر عمان فیری سروس جلد شروع کی جائے گی۔ جنید انوار چوہدری کے مطابق پاکستان اور عمان جلد ہی فیری لنک کیلئے مفاہمت نامے پر دستخط کریں گے جبکہ انتظامات کو حتمی شکل دینے کیلئے عمانی وفد پاکستان کا دورہ کرے گا۔ انہوں نے مزید کہا کہ نئے فیری روٹ سے تجارتی حجم اور سرمایہ کاری میں اضافہ متوقع ہے۔