اسرائیل کا جنوبی لبنان پر فضائی حملہ، 13 افراد جاں بحق، متعدد زخمی ہوگئے

صیدون(این این آئی)جنوبی لبنان کے علاقے صیدون میں اسرائیلی فضائی حملے میں 13 افراد جاں بحق ہوگئے۔غیر ملکی میڈیا کے مطابق لبنانی وزارتِ صحت نے تصدیق کی ہے کہ اسرائیل فوج نے جنوبی لبنان کے علاقے صیدون میں فضائی حملہ کیا ہے جس میں 13 افراد جاں بحق جبکہ متعدد زخمی ہوگئے ہیں۔فلسطینی مزاحمتی تنظیم نے کہا ہے کہ اسرائیل نے پناہ گزینوں کے زیرِ استعمال اوپن اسپورٹس گرانڈ کو نشانہ بنایا ہے۔لبنانی حکام نے بتایا کہ اسرائیلی فوج نے لبنان میں پانچ پوسٹوں پر قبضہ کر رکھا ہے۔