اوتھل میں پولیس نے غیر قانونی طریقے سے ایران جانیوالے 35 افراد کو گرفتار کرلیا

اوتھل (نامہ نگار) اوتھل پولیس کی کارروائی، پنجاب کے مختلف علاقوں سے تعلق رکھنے والے 35 افراد کو لسبیلہ بلوچستان کے راستے غیر قانونی طریقے سے ایران جانے والوں کو امیگریشن قوانین کی خلاف ورزی پرگرفتار کرکے FIA گوادر کے حوالے کردیا، لسبیلہ پولیس کے ترجمان کے مطابق ایس ایس پی لسبیلہ عاطف امیر کی جرائم پیشہ عناصر کیخلاف کارروائی کی خصوصی ہدایت پر SHO اوتھل یار محمد کمانڈو نے کامیاب کارروائی کرتے ہوئے پنجاب سے لسبیلہ کے راستے ایران جانے والے پینتیس (35) افراد کو امیگریشن قوانین کی خلاف ورزی پر مکران کوسٹل ہائی وے نزد زیرو پوائنٹ چیک پوسٹ اوتھل کے مقام سے گرفتار کر لیا۔ ان تمام افراد کو مزید قانونی کارروائی کے لیے ایف آئی اے( FIA) گوادر کے حوالے کیا جا رہا ہے۔ موجودہ صوبائی سیکورٹی صورتحال کو مدنظر رکھتے ہوئے انہیں مناسب حفاظتی انتظامات کے تحت گاڑی میں سوار کرکے گوادر روانہ کر دیا گیا ہے۔ جن کو گوادر پولیس کی مدد سے ایف آئی اے گوادر کے حوالے کر دیا گیا۔