حق دو تحریک کے کونسلر کا مولانا ہدایت الرحمن کے الزامات کیخلاف پسنی پریس کلب کے باہر دھرنا
پسنی (نامہ نگار) چربندن میں حق دو تحریک کے کونسلر لطیف لعل کا ایم پی اے گوادر مولانا ہدایت الرحمن کے الزامات کیخلاف پریس کلب کے سامنے دھرنا دے کر بیٹھ گئے۔ تفصیلات کے مطابق پسنی کے علاقے چربندن سے تعلق رکھنے والے حق دو تحریک کے کونسلر لطیف لعل نے گوادر کے رکن صوبائی اسمبلی مولانا ہدایت الرحمن کی جانب سے لگائے گئے الزامات کے خلاف پریس کلب پسنی کے سامنے احتجاجی دھرنا دے دیا۔ کونسلر لطیف لعل کا کہنا تھا کہ مولانا ہدایت الرحمن نے ان پر چھ لاکھ روپے مانگنے کا الزام عائد کیا ہے جو سراسر بے بنیاد ہے۔ انہوں نے واضح کیا کہ جب تک مولانا ہدایت الرحمن اپنے الزام کو ثابت نہیں کرتے، وہ احتجاج جاری رکھیں گے۔ احتجاج کے دوران میر سلمان کلمتی سمیت دیگر سیاسی و سماجی شخصیات نے موقع پر پہنچ کر کونسلر لطیف لعل سے اظہارِ یکجہتی کیا اور ان کے مو¿قف کی حمایت کی۔ ان کا کہنا تھا کہ بغیر ثبوت الزامات لگانا عوامی نمائندوں کی ساکھ کو نقصان پہنچانے کے مترادف ہے، جس کی مذمت کی جانی چاہیے،آخر میں احتجاجی دھرنے کے شرکاءنے مطالبہ کیا کہ حقائق کو عوام کے سامنے لایا جائے اور الزامات کی شفاف تحقیقات کی جائیں۔
