وزیراعلیٰ کی نظروں میں بلوچستان کے لاپتہ افراد کی کوئی حیثیت اور اہمیت نہیں،بیان پر افسوس ہے، بی این پی

کوئٹہ؛ بلوچستان نیشنل پارٹی کے مرکزی بیان میں وزیراعلیٰ بلوچستان جام کمال خان کے بلوچ لاپتہ افراد سے متعلق بیان پرافسوس سناک کا اظہار کرتے ہوئے کہا گیا ہے وزیراعلیٰ کی نظروں میں بلوچستان کے لاپتہ افراد کی کوئی حیثیت اور اہمیت نہیں ایسے باتوں سے ان کی سنجیدگی کا اندازہ بخوبی لگایا جا سکتا ہے ان کا بیان بلوچستان کے لاپتہ افراد کے لواحقین کے زخموں پر نمک پاشی کے مترادف عمل ہے بلوچستان کی سب سے بڑی پارٹی بی این پی ہے جسے بلوچستان بھر میں بھرپور پذیرائی حاصل ہے اتنی بڑی پارٹی کا ان کو نظر نہ آنے سے ہمیں بخوبی اندازہ لگا سکتے ہیں کہ اقتدار کی حوس نے ان کی بینائی کواتنا متاثر کر دیا ہے کہ انہیں بی این پی نظر نہیں آ رہی صوبائی اسمبلی ‘ نیشنل اسمبلی اور سینیٹ میں بی این پی میں سیاسی کردار مثبت ادا کر رہی ہے یقینا پارٹی مقبولیت اور حیثیت سے اتنے خائف ہیں کہ وہ اب غیر سیاسی ‘ غیر سنجیدہ باتوں پر اتر آئے ہیں ان کی بڑی وجہ یہ ہے کہ ان کی پارٹی اربوں روپے خرچ کر کے بھی وہ مقبولیت حاصل نہیں کر پا رہی بی این پی قومی جمہوری نظریاتی بڑی سیاسی قوتوں ہے جو اصولوں پر سیاست کر رہی ہے یقینا ہم اس بات سے آگاہی رکھتے ہیں کہ موصوف سیاسی مسافر ہیں جو ہر دور میں اپنی سیاسی وفاداریاں تبدیل کر کے مختلف لوگوں کے گن گانے سے نہیں کتراتے اصول اور اصولی سیاست سے ان کا ان دور تک لینا دینا نہیں نظریاتی طور پر اتنی نہ پختہ ہیں کہ لاپتہ افراد کے مسئلے کا مسئلہ ہی نہیں سمجھتے بیان میں کہا گیا ہے کہ وزارت ‘ اقتدار ‘ مراعات کو رد کر کے لاپتہ افراد کی بازیابی ‘ گوادر کے عوام کو تحفظ دینے کیلئے قانون سازی ‘ افغان مہاجرین کی باعزت طریقے سے واپسی ‘ بلوچستان کے ساحل وسائل پر حق حاکمیت ‘ بلوچستان میں ڈیمز کے قیام اور وفاق میں بلوچستان کے کوٹہ پر عملدرآمد ‘ کراچی کوئٹہ شاہراہ کو دو رویہ کرنے سے متعلق معاملات پارٹی کے سامنے حیثیت و اہمیت رکھتے تھے آج بلوچستان کے ارباب و اختیار کی جانب سے ایسے غیر سنجیدہ بیان دے کر بلوچ و بلوچستانی عوام کے سامنے ان کے عزائم بے نقاب ہو چکے ہیں عوام کے احساسات و جذبات سے کوئی سروکار نہیں پارٹی کے سامنے لاپتہ افراد کی بازیابی اہمیت رکھتی ہے ہماری بلوچ مائیں ‘ بہنیں اپنے پیاروں کی راہ تھک رہے ہیں آج صوبائی اسمبلی ‘ نیشنل اسمبلی ‘ سینیٹ کے ارکان انسانی حقوق کی پامالی ‘ ناانصافیوں اور پالیسیوں کے حوالے سے بلوچستان کی حقیقی نمائندگی کر رہے ہیں اقتدار سے نکالے جانے کے بعد ضرور انہیں یہ بات یاد آئے گی کہ بی این پی نہ لاپتہ تھی نہ ہے آج یہ امر ثابت ہو گیا ہے کہ مفاد پرست ‘ موقع پرست حکمرانوں کے پاس بلوچستان کا مسئلہ حل کرنے کا کوئی وژن نہیں نہ ہی بلوچستان کے مسئلے کے حل میں سنجیدہ ہیں ایسی باتیں کر کے موصوف بلوچستان کے ساتھ جو کلواڑ کرنا چاہتے ہیں وہ کسی سے ڈھکی چھپی نہیں عوام نے خیالات و افکار کا باآسانی اندازہ لگا سکتے ہیں