جب رانی مکھر جی نے سیف علی خان کو کرینہ کپور سے شادی کرنے سے پہلے نصیحت کی

بالی وڈ اداکار سیف علی خان اور اداکارہ کرینہ کپور کا شمار انڈسٹری کی کامیاب شخصیات میں ہوتا ہے دونوں اداکاروں نے 2012 میں شادی کی تھی ان کا ایک بیٹا تمور علی خان یے جبکہ ایک اور ننھے مہمان کی جلد آمد متوقع ہے-

باغی ٹی وی :حال ہی میں اداکار سیف علی خان نے اپنی اہلیہ کرینہ کپور خان کے ٹاک شو میں بات کرتے ہوئے بتایا کہ شادی سے قبل اداکارہ رانی مکھرجی نے انہیں نصیحت کی تھی۔

سیف علی خان نے بتایا کہ کرینہ سے شادی سے قبل رانی مکھرجی نے مجھے نصیحت کرتے ہوئے کہا تھا کہ ایسے برتاؤ کرنا جیسے کہ تم ایک مرد کے ساتھ رشتے میں ہو۔

سیف علی نے رانی مکھر جی کی اس نصیحت کی وضاحت دیتے ہوئے بتایا کہ اس کا مطلب تھا کہ کرینہ کے ساتھ ہمیشہ برابری کا سلوک کریں اور رشتے میں کبھی بھی صنف کو شامل نہ کرنا۔

خیال رہے کہ اداکار سیف علی خان اداکارہ رانی مکھرجی کے ساتھ فلم ’ہم تم‘ اور ’تارا رم پم‘ میں اداکاری کرچکے ہیں۔