بلاول بھی اپنے نانا کی طرح معتبر نہیں بن سکتے،فیاض الحسن چوہان
![](https://dailyintekhab.pk/wp-content/uploads/2020/05/fyaz-ahsan-chohan-3.jpg)
اسلام آباد:وزیر اطلاعات پنجاب فیاض الحسن چوہان نے کہاہے کہ جس طرح ٹرک کے پیچھے ایف 16 لکھنے سے جنگی جہاز نہیں بن جاتا اسی طرح بلاول اپنے نام کے ساتھ بھٹو لکھوانے سے اپنے نانا کی طرح معتبر نہیں بن سکتے۔ چیئرمین بلاول بھٹو کی پریس کانفرنس پر ردعمل دیتے ہوئے وزیر اطلاعات پنجاب کا کہنا تھا کہ بلاول اور پاپا کے درمیان احتساب کا شکنجہ تنگ ہوتا جا رہا ہے۔ احتساب کا لفظ سنتے ہی زرداری اینڈ کمپنی کو اے پی سی اور 18 ویں ترمیم ترمیم یاد آ جاتی ہے۔ بلاول پاپا اور پھوپھو کو بچانے کے لئے ایڑی چوٹی کا زور لگا رہے ہیں۔ انہوں نے کہا کہ جس طرح ٹرک کے پیچھے ایف سولہ لکھوانے سے ٹرک جنگی جہاز نہیں بن جاتا اسی طرح بلاول اپنے نام کے ساتھ بھٹو لکھوانے سے اپنے نانا ذوالفقار علی بھٹو کی طرح متعبر نہیں بن سکتے اور نہ ہی اپنے والا آصف علی زرداری کی کارستانیوں سے چھٹکارا حاصل کر سکتے ہیں۔