تربت، ایک ماہ قبل بودیگ پکنک پوائنٹ سے اغوا شخص کی گولیوں سے چھلنی لاش برآمد

تربت (بیورو رپورٹ) مند اپسار ندی سے ملنے والی لاش کی شناخت ہو گئی ۔ ضلع کیچ کے علاقے مند میں جلال آباد اور تلمب کے درمیانی مقام اپسار ندی سے گزشتہ رات برآمد ہونے والی نامعلوم لاش کی شناخت اسماعیل ولد نذیر ساکن کہنک کے نام سے ہو گئی ہے۔ پولیس کے مطابق اسماعیل کو تقریباً ایک ماہ قبل بودیگ پکنک پوائنٹ سے نامعلوم مسلح افراد نے اغوا کیا تھا۔ گزشتہ شب اس کی گولیوں سے چھلنی لاش ندی کے قریب سے ملی۔