سی پیک سبزل روڈ کی توڑ پھوڑ سے متعلق خبریں بے بنیاد ہیں، ڈپٹی پروجیکٹ ڈائریکٹر کوئٹہ ڈویلپمنٹ پیکج

کوئٹہ (آن لائن) سی پیک سبزل روڈ کی توڑ پھوڑ سے متعلق سوشل میڈیا پر گردش کرنے والی تمام خبریں بے بنیاد ہیں۔ ڈپٹی پروجیکٹ ڈائریکٹر چیف منسٹر پیکیج کوئٹہ ڈویلپمنٹ، عابد محمود کے مطابق منصوبے پر کام مقررہ منصوبہ بندی کے تحت جاری ہے اور کسی قسم کی غیر ضروری کھدائی یا توڑ پھوڑ نہیں کی گئی بلکہ یہاں پر کویٹہ ڈیولپمنٹ پیکج کے تحت فلائی اوور بننے جا رہا ہے۔ انہوں نے عوام سے اپیل کی کہ بے بنیاد خبروں پر یقین کرنے کے بجائے مستند ذرائع سے تصدیق کریں۔