افغانستان کے داخلی معاملات میں دخل اندازی کسی صورت قابل قبول نہیں، ترجمان افغان حکومت کا ڈی جی آئی ایس پی آر کے بیان پر ردعمل

افغان طالبان کے ترجمان نے ڈی جی آئی ایس پی آ رکے بیان پر ردعمل دیتے ہوئے کہا ہے کہ پاکستا ن کے فوج کے ترجمان کی جانب سے حالیہ پریس کانفرنس کے دوران افغانستان کے حکومتی اور سماجی ڈھانچے سے متعلق دیے گئے بیانات نہ صرف حقائق کے منافی ہیں بلکہ ایک ذمے دار عسکری منصب کے تقاضوں سے بھی متصادم ہیں۔ ایکس پر جاری ایک بیان میں کہا ہے کہ امارت اسلامیہ افغانستان اس قسم کے غیر ذمے دارانہ اور اشتعال انگیز بیانات کی شدید الفاظ میں مذمت کرتی ہے اور پاکستان کے متعلقہ اداروں سے مطالبہ کرتی ہے کہ وہ سرکاری مو¿قف کے دائرے سے تجاوز کرنے اور افغانستان کے خلاف بے بنیاد پروپیگنڈے کے بجائے اپنے داخلی مسائل کے حل پر توجہ مرکوز کریں۔ افغانستان ایک خودمختار اور مستحکم ملک ہے، جو ایک مضبوط سیکیورٹی ڈھانچے اور مقتدر قیادت کا حامل ہے اور اپنی پوری سرزمین پر مکمل حاکمیت رکھتا ہے۔ ہم واضح الفاظ میں کہنا چاہتے ہیں کہ افغانستان کے داخلی معاملات میں دخل اندازی اور دھمکی آمیز بانات افغان قوم کے لیے کسی صورت قابل قبول نہیں۔ پاکستان کے متعلقہ اداروں سے اپیل کرتی ہے کہ دونوں ممالک کے درمیان تعلقات کی نزاکت کو مدنظر رکھتے ہوئے ذمے دارانہ طرز عمل اور سنجیدہ بیانات کی روش اختیار کریں۔