کابل میں کورونا نے صدارتی محل کو اپنی لپیٹ میں لے لیا’، 20ملازمین متاثر

کابل : افغانستان کے دارالحکومت کابل میں کورونا وائرس نے صدارتی محل کو اپنی لپیٹ میں لے لیا، صدارتی محل کے 20ملازمین کا کورونا ٹیسٹ مثبت نکل آیا، کابل میں حفاظتی اقدامات بڑھا دیئے گئے۔
اس حوالے سے بین الاقوامی خبر رساں ادارےکا کہنا ہے کہ پوری دنیا میں تباہی پھیلانے والے کورونا وائرس نے کابل میں صدارتی محل کو بھی اپنی لپیٹ میں لے لیا ہے۔
صدارتی محل کے 20ملازمین کا کورونا ٹیسٹ مثبت نکل آیا ہے جس کے بعد کابل میں حفاظتی اقدامات بڑھا دئے گئے ہیں۔ افغانستان کے ڈاکٹروں کا کہنا ہے کہ مزید ٹیسٹ کٹس کی ضرورت ہے کیونکہ جانچنے سے ملک میں وائرس کے پھیلاﺅمیں کمی آئے گی۔
کابل کے متعدی بیماریوں کے اسپتال کے سربراہ اسد اللہ عصمت نے کہا کہ اگر ہمارے پاس کافی کٹس ہوں تو ہمیں بہترین نتائج ملیں گے۔ انہوں نے مزید کہا زیادہ سے زیادہ لوگوں کی جانچ کرکے ہم ایسے مریضوں کو تلاش کرسکتے ہیں جن میں وائرس موجود ہے۔
واضح رہے کہ اس وقت افغانستان میں کورونا وائرس کے کیسز کی تعداد 555ہے،اس وبا سے 18 افراد اب تک زندگی کی بازی ہار چکے ہیں جبکہ 32مریض صحت یاب ہوئے ہیں۔

اپنا تبصرہ بھیجیں