علیم خان دوبارہ کابینہ میں شامل، صوبائی وزیر کا حلف اٹھالیا

تحریک انصاف کے رہنما علیم خان کو دوبارہ صوبائی کابینہ میں شامل کرلیا گیا۔تقریب حلف برداری گورنر ہاؤس پنجاب میں ہوئی جہاں عبدالعلیم خان سے گورنر پنجاب محمد سرور نے حلف لیا۔اس دوران تقریب میں وزیراعلیٰ پنجاب عثمان بزدار بھی موجود تھے۔بعدازاں ٹوئٹ میں علیم خان نے وزیراعظم عمران خان کا شکریہ ادا کرتے ہوئے کہا کہ اپنےقائد عمران خان کے اعتماد پر شکرگزار ہوں اور اِس پر پورا اُترتے ہوئے وزارت کی ذمہ داری سے عہدہ برآہ ہونے کی کوشش کروں گا۔اپنےقائدعمران خان کےاعتماد پرشکرگزار ہوں اوراِس پر پورااُترتے ہوئےوزارت کی ذمہ داری سےعہدہ برآہونےکی کوشش کروں گا۔لوگوں کےمسائل کاحل اورمشکلات کاخاتمہ میری اولین ترجیح ہے۔ پنجاب حکومت کی مضبوطی کیلئےتمام کوششیں بروئےکارلاؤں گا۔دعاہے کہ اللہ ملک کودرپیش موجودہ صورتحال سےجلدنکالے۔واضح رہے کہ پنجاب میں تحریک انصاف کی حکومت بننے کے بعد علیم خان کابینہ میں سینئیر وزیر کی حیثیت سے شامل تھے تاہم 6 فروری 2019 کو قومی احتساب بیورو (نیب) نے آمدن سے اثاثے اور دیگر کیسز میں گرفتار کیا تھا جس کے بعد انہوں نے وزارت سے استعفیٰ دے دیا تھا علیم خان کو وزارت خوراک کا قلمدان دے دیا گیا