صوبائی کابینہ نے بلوچستان کے 31ٹاؤنز کی ماسٹر پلاننگ کی منظوری دے دی

کوئٹہ:صوبائی کابینہ نے بلوچستان کے 31ٹاؤنز کی ماسٹر پلاننگ کی منظوری دے دی،تفصیلات کے مطابق وزیراعلی بلوچستان جام کمال خان کی زیرصدارت کابینہ کا اجلاس ہوا جس میں اہم فیصلے کیے گئے،کابینہ نے بلوچستان کے31ٹاؤنز کی ماسٹر پلاننگ اور فوڈاتھارٹی ترمیمی ایکٹ2021کی منظوری دے دی،درجہ چہارم کی آسامیوں پربھرتی کے طریقہ کارکیلئے کمیٹی تشکیل دینے کافیصلہ کیا گیا ہے اور اس حوالے سے سب کمیٹی کودوہفتے میں سفارشات مرتب کرکے رپورٹ پیش کرنیکی ہدایت کی گئی ہے،کابینہ نے 1493اساتذہ کی مستقلی کے حوالے سے سفارشات منظور کی ہیں جب کہ تربت میں 200بستروں پرمشتمل ٹیچنگ اسپتال کے قیام کی منظوری بھی دی گئی ہے، اسپتال بلوچستان حکومت اورپنجاب حکومت کے مشترکہ اشتراک سے قائم کیاجارہاہے۔