یوکرین میں روسی حملوں سے 925 شہری ہلاک ہوئے،اقوام متحدہ

جینیوا: اقوام متحدہ کے انسانی حقوق کے ادارے کا کہنا ہے کہ یوکرین میں روسی حملوں میں اب تک 925 شہری ہلاک اور 1 ہزار 496 زخمی ہوچکے ہیں۔

یوکرین میں روسی حملوں سے 925 شہری ہلاک ہوئے: اقوام متحدہجی این این میڈیا: نمائندہ تصویر
اقوام متحدہ کے انسانی حقوق کے ادارے کا کہنا ہے کہ یوکرین جنگ میں زیادہ تر شہریوں کی ہلاکتیں دھماکہ خیز ہتھیاروں کے استعمال کی وجہ سے ہوئی ہیں ۔اس کے علاوہ توپ خانے سے شدید گولہ باری، میزائل اور فضائی حملے بھی جانی نقصانات کا سبب بنے ہیں۔

واضح رہے کہ یوکرین کے دارالحکومت کیف کے شاپنگ سینٹر پر بھی روسی فوج کی جانب سے حملہ کیا گیا جس کے نتیجے میں مزید 8 افراد ہلاک اور 10 ز خمی ہوئے ہیں۔ دارالحکومت کیف میں بدھ کی صبح تک کرفیو نافذ کردیا گیا ہے۔