کل بلوچستان بھر میں احتجاجی مظاہرہ کیا جائےگا تحریک لبیک اسلام

کوئٹہ(انتخاب نیوز )تحریک لبیک اسلام کے صوبائی ترجمان علامہ مفتی فرید آحمد ساسولی،تحریک لبیک اسلام ضلع کوئٹہ کے امیر مولانا عمران،تحریک لبیک اسلام کے صوبائی رکن مولانا احسان اللہ نقشبندی مولانا مفتی علی اعظم جلالی،ودیگرنے اپنے مشترکہ بیان میں کہا ہے 9 جون بروز جمعرات شام 4 بجے تحریک لبیک اسلام وتنظیمات اہل سنت کے تحت بلوچستان بھر میں بھارتیہ جنا پارٹی کے ترجمان کی نبی پاک صلی اللہ علیہ وسلم کی شان میں گستاخانہ کلمات کے خلاف احتجاج کیا جائے گا۔تحریک لبیک اسلام کے صوبائی ترجمان علامہ مفتی فرید آحمد ساسولی کے مطابق قائد اہل سنت چیئرمین تحریک لبیک یارسول اللہ صلی اللہ علیہ ڈاکٹر محمد اشرف آصف جلالی صاحب کے حکم کے مطابق جمعرات کو بھارتیہ جنا پارٹی کے ترجمان کی نبی پاک صلی اللہ علیہ وسلم کی شان میں گستاخانہ کلمات کی شدید مذمت کرتے ہیں۔