سیاسی عدم استحکام، فِچ ریٹنگز نے پاکستان کے آﺅٹ لک کو مستحکم سے منفی کر دیا

اسلام آباد(مانیٹرنگ ڈیسک) عالمی کریڈٹ ریٹنگ ایجنسی فِچ ریٹنگز نے پاکستان کے آﺅٹ لک کو مستحکم سے منفی کر دیاجس کی وجہ ملک میں سیاسی عدم استحکام قرار دیا جا رہا ہے۔ فچ کے مطابق منفی ریٹنگ سال 2022 کے اوائل سے پاکستان کی بگڑتی لیکویڈیٹی اور بیرونی فنڈنگ صورتحال کی عکاسی کرتی ہے، آئی ایم معاہدے پر عملدرآمد، جون 2023 کے بعد فنڈنگ کے حصول پر خدشات ہیں، مالی سال 2023 میں کرنٹ اکاﺅنٹ خسارہ، 10 ارب ڈالرز رہنے کے اندازے ہیں، زرمبادلہ ذخائر پر کرنٹ اکاﺅنٹ خسارے کے باعث دباﺅ ہے۔ ادارے کی رپورٹ میں کہا گیا ہے کہ کرنٹ اکاﺅنٹ خسارہ مالی سال 22 میں 17 ارب ڈالرز رہا۔