علی وزیر کیخلاف درج مقدمے کا فیصلہ محفوظ، 18 اگست کو سنایا جائیگا

کراچی (انتخاب نیوز) کراچی کی انسداد دہشت گردی عدالت میں رکن قومی اسمبلی علی وزیر کیخلاف دو مقدمات کی سماعت ہوئی۔ علی وزیر کیخلاف سہراب گوٹھ تھانے میں درج مقدمے کا فیصلہ محفوظ کرلیا گیا، عدالت کا کہنا ہے کہ علی وزیر کیخلاف اس کیس کا فیصلہ 19 اگست کو سنایا جائے گا۔ عدالت نے علی وزیر کیخلاف بوٹ بیسن تھانے میں درج مقدمے میں درخواست ضمانت پر بھی فیصلہ محفوظ کرلیا ہے، درخواست ضمانت پر فیصلہ 18 اگست کو سنایا جائے گا۔ خیال رہے کہ علی وزیر کیخلاف کراچی کے مختلف تھانوں میں چار مقدمات درج ہیں، ایم این اے علی وزیر کی تین مقدمات میں ضمانت منظور ہوچکی ہے۔