محرم الحرام میں نیشنل ایکشن پلان کی خلاف ورزی پر کارروائی ہوگی، ضیا لانگو

کوئٹہ (انتخاب نیوز) صوبائی مشیر داخلہ میر ضیا اللہ لانگو کی زیر صدارت اجلاس منعقد ہوا۔ اجلاس میں محرم الحرام سکیورٹی اور جرائم کنٹرول کے اقدامات کا جائزہ لیا۔اجلاس کو متعلقہ اعلی حکام کی جانب سے بریفنگ دی گئی۔ڈی آئی جی کوئٹہ سید فدا حسن نے بتایاکہ سنٹرل پولیس آفس میں بھی کنٹرول روم فعال، سکیورٹی صورتحال کی لمحہ بہ لمحہ نگرانی کی جارہی ہے۔صوبائی مشیر داخلہ میر ضیاء اللہ لانگو نے اجلاس سے خطاب کرتے ہوئے کہاکہ امن کمیٹیوں کے فعال کردار کو یقینی بنائیں، تمام مکاتب فکر کے علما اور سول سوسائٹی کے ساتھ مل کر باہمی ہم آہنگی کی فضا قائم کریں امن وامان،عاشورہ کے جلوس کے تمام روٹس کی سی سی ٹی وی کیمروں سے مانیٹرنگ کی جائے محرم الحرام میں نیشنل ایکشن پلان کے تمام قوانین کی خلاف ورزی کرنے والوں کے خلاف سخت کریک ڈان جاری رکھا جائے۔ انہوں نے کہاکہ سپروائزری افسران ذاتی نگرانی میں بھرپور انسدادی اقدامات کو یقینی بنائیں مجالس کی سیکورٹی کے فول پروف انتظامات اور محرم الحرام کیلئے تشکیل کردہ سکیورٹی پلان پر ہر صورت عملدرآمد یقینی بنایا جائے، شہر میں داخلی و خارجی راستوں کے علاوہ حساس مقامات، امام بارگاہوں، مساجد اور عبادت گاہوں کی سکیورٹی پر خصوصی توجہ دی کوئٹہ میں امن وامان کے سلسلے میں سپیشل برانچ، سی ٹی ڈی اور حساس ادارے سرچ اینڈ کومبنگ آپریشنز میں تیزی لائیں۔