کراچی اور اسلام آباد میں ڈینگی کے حملے، 87 افراد مرض میں مبتلا

کراچی، اسلام آباد (انتخاب نیوز) کراچی اور اسلام آباد میں ڈینگی کے وار جاری ہیں، کراچی میں ایک دن میں مزید 87افراد ڈینگی میں مبتلا ہوگئے ہیں۔شہر میں دو ماہ کے دوران ڈینگی سے 29 افراد جاں بحق ہوچکے، جن میں چھ بچے بھی شامل ہیں۔میڈیا رپورٹس کے مطابق کراچی کی مختلف لیبس میں ایک لاکھ سے زائد لوگوں کے ڈینگی کے ٹیسٹ پازیٹو آئے ہیں، بڑے اسپتالوں میں جگہ بھی کم پڑگئی ہے۔ادھر چوبیس گھنٹوں کے دوران وفاقی دارالحکومت میں ڈینگی کے 49 کیسز رپورٹ ہوئے ۔لاہور میں 50 اور راول پنڈی میں 39 کیسز سامنے آئے ہیں۔ پنجاب بھر کے ہسپتالوں میں ڈینگی کے 425 مریض زیرِ علاج ہیں۔