بلوچستان حکومت میں شمولیت، وزیراعلیٰ نے دو دن کا وقت مانگ لیا، مولانا واسع

کوئٹہ (انتخاب نیوز) وزیراعلیٰ بلوچستان میر عبدالقدوس بزنجو اور صوبائی امیر جمعیت علماءاسلام مولانا عبدالواسع کی ملاقات۔ اس حوالے سے صوبائی امیر جمعیت علماءاسلام مولانا عبدالواسع نے کہا کہ وزیراعلیٰ بلوچستان میر عبدالقدوس بزنجو نے ملاقات کی خواہش کی۔ ہم پشتون اور بلوچ ایک دوسرے کا احترام کرتے ہیں، ملاقات معمول کی تھی۔ جمعیت کی حکومت میں شمولیت کے حوالے سے وزیراعلیٰ بلوچستان نے دو دن کا وقت مانگ لیا۔ انہوں نے مزید کہا کہ جمعیت علماءاسلام اپوزیشن میں ہو یا حکومت میں عوام کی خدمت جاری رکھیں گے، حکومت میں شمولیت کا حتمی فیصلہ دو دن بعد کیا جائے گا۔ پیر کے روز تک تمام تر صورتحال واضح ہو جائے گی، جمعیت کبھی بھی اصولوں پر سودے بازی نہیں کرے گی۔