سہ فریقی سیریز، نیوزی لینڈ نے بنگلہ دیش کو 8 وکٹوں سے ہرادیا

کرائسسٹ چرچ(انتخاب نیوز)سہ فریقی سیریز کے تیسرے میچ میں نیوزی لینڈ نے بنگلہ دیش کو باآسانی 8 وکٹوں سے شکست دیدی۔کرائسٹ چرچ میں کھیلے گئے میچ میں نیوزی کے کپتان کین ولیمسن نے ٹاس جیت پہلے بولنگ کرنے کا فیصلہ کیا، پہلے بلےبازی کرتے ہوئے بنگلہ دیش کی ٹیم مقرہ 20 اوورز 8 وکٹون کے نقصان پر محض 137 رنز بناسکی تھی۔ہدف کے تعاقب میں نیوزی لینڈ نے جارحانہ کھیل کا مظاہرہ کیا، اوپنر ڈیون کانوے نے 70 رنز کی ناقابل شکست اننگز کھیلی جبکہ کپتان کین ولیمسن نے 30 رنز اسکور کیے۔ کیوی ٹیم نے ہدف 18ویں اوور میں حاصل کیا۔قبل ازیں بنگال ٹائیگرز کی جانب سے نجم الحسن شنٹو 33، عفیف حسین 24، نور الحسن 25 رنز بناکر نمایاں، کیوی بالرز کی جانب سے ٹرینٹ بولٹ، ٹم ساو¿تھی، مچل پریسول اور اش سودھی نے 2، 2 کھلاڑیوں کو پویلین کی راہ دیکھائی۔