مزدوروں کو بے روزگاری سے بچانا ہماری اولین ترجیح ہے، ساجد حسین طوری

کوئٹہ (انتخاب نیوز) وفاقی وزیر ساجد حسین طوری کا بلوچستان کے سیلاب زدہ علاقہ ہنہ اوڑک کا دورہ،صوبائی وزیر لیبرز نوابزادہ گہرام خان بگٹی، آئی ایل او کا وفد اورآل پاکستان لیبرز فیڈریشن کے عہدیداران وفاقی وزیر ساجد حسین طوری کے ہمراہ تھے، پاکستان پیپلز پارٹی بلوچستان کے عہدیداران و دیگر سماجی و سیاسی شخصیات بھی ہمراہ تھے، اس موقع پروفاقی وزیر ساجد حسین طوری سیلاب زدگان سے ملے اور سیلاب سے تباہ کاریوں کا جائزہ لیا اور ہنہ اوڑک بلوچستان میں آئی ایل او کے پراجیکٹ کیش فار ورک کا آغاز کیا، اس موقع پر وفاقی وزیر نے کہا کہ بلوچستان میں سیلاب کی تباہ کاریاں دیکھ کر دلی دکھ و افسوس ہو رہا ہے، سیلاب سے 36 لاکھ سے زائد پاکستانی لیبرز و ورکرز بے روزگار ہوئے ہیں، انہوںنے کہا کہ یومیہ اجرت اور صنعتی مزدور سب سے زیادہ متاثر ہوئے ہیں، میری وزارت اور آئی ایل نے ملکر کیش فار ورک کا آغاز کیا ہے، کیش فار ورک کے تحت مزدور اپنے گھروں کی بحالی پر کام کرینگے جسکا انکو یومیہ اجرت ادا کیا جائیگا۔ وفاقی وزیر نے کہا کہ مزدوروں کو بے روزگاری سے بچانا ہماری اولین ترجیح ہے، میں ILO کا مشکور ہوں جو مزدوروں کو بروقت روزگار فراہم کرنے میں مدد فراہم کرنے کا عزم رکھتے ہیں۔ انہوںنے کہا کہ آئی ایل او کیساتھ ملکر متاثرہ لیبرز و ورکرز کی بحالی کا آغاز بلوچستان سے کر رہے ہیں، بلاول بھٹو زرداری کی ہدایات ہیں کہ لیبرز کی روزگار فوری بحال ہو، سیلاب سے متاثرہ مزدوروں کو بروقت امداد فراہم ضروری ہے کہ وہ اپنے پا¶ں پر کھڑے ہو سکے،آئی ایل او سمیت بین الاقوامی محکموں کو اپنی وزارت کی جانب سے مکمل تعاون کی یقین دہانی کرواتا ہوں۔مجھے یقین ہے کہ ہمارے مزدور جلد ہی اپنے پیروں پر کھڑے ہوں گے کیونکہ ہم ان کے ساتھ ہیں۔