لاہور، گیس لیکج دھماکے میں 4 افراد جاں بحق، ایک شخص زخمی

لاہور (انتخاب نیوز) چوہنگ کے علاقے ازمیر ٹاﺅن میں گیس لیکیج کے باعث دھماکے کے نتیجے میں چھت گرنے کے بعد ریسکیو آپریشن مکمل کر لیا گیا۔ریسکیو حکام کے مطابق ازمیر ٹاﺅن میں گزشتہ روز گھر کی چھت گرنےکے بعد ملبے تلے پھنسے تمام 5 افراد کو نکال لیا گیا ہے ، حادثے میں 4 افراد جاں بحق جبکہ ایک شخص معمولی زخمی ہوا ہے۔جاں بحق ہونے والوں میں 80 سالہ عارف، 52 سالہ طیب، 12 سالہ شگفتہ اور12 سالہ انا شامل ہیں جبکہ 40 سالہ طارق معمولی زخمی ہوا ہے۔ریسکیو آپریشن میں 50 سے زائد ریسکیو اہلکاروں نے حصہ لیا، ریسکیو آپریشن 24 گھنٹے سے زائد وقت تک جاری رہا۔