امیدہے صدر72گھنٹوں میں الیکشن کی تاریخ دیں گے، شیخ رشید

راولپنڈی(مانیٹرنگ ڈیسک)عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ جب الیکشن کمیشن صدرسے مشاورت سے انکارکرے توسمجھ لیں آئینی بحران شروع ہوگیاہے،امیدہے صدر72گھنٹوں میں الیکشن کی تاریخ دیں گے۔آج سے آئین سے کھلواڑشروع ہوگیاہے۔وزیردفاع کہتاہے کہ ملک ڈیفالٹ ہوچکااورجس پٹرولیم کاسٹاک ختم ہورہاہے اسکاوزیرکہتاہے کہ دیوالیہ نہیں ہوا،بھونڈے اندازمیں ترکی کوامداددی گئی۔ان خیالات کااظہار شیخ رشید احمد نے سوموار کے روز ٹوئٹر پر جاری اپنے بیان میں کیا۔ شیخ رشید احمد کا کہنا تھاکہ دنیاکوہماری بگڑتی معیشت پر تشویش ہے ،امیروں کوسبسڈی اورغریبوں کاگلہ گھونٹ رہے ہیں، حالات سنگین ترین ہوگئے ،دہشت گردی کوروک نہیں پارہے اور مہنگائی کوکھلی چھٹی دیدی ہے ،مزیدتاخیربڑے حادثے کوجنم دے سکتی ہے ،اللہ کے بعدعدلیہ ہی ملک کوبحران سے نکال سکتی ہے۔

اپنا تبصرہ بھیجیں