گلزار امام بلوچ کو گرفتار کرنا بڑا کارنامہ اور پروفیشنل ازم کا ثبوت ہے وزیر اعظم کاڈی جی آئی ایس آئی کوشاباشی
قومی سلامتی کونسل کے اجلاس میں انٹر سروسز انٹیلی جنس (آئی ایس آئی) اور اس کے ڈائریکٹر جنرل (ڈی جی) لیفٹیننٹ جنرل ندیم انجم کو شاندار خراج تحسین پیش کیا گیا۔ سکیورٹی فورسز نے کالعدم بلوچ نیشنل آرمی کے بانی گلزار امام کو گرفتار کرلیا ہے۔قومی سلامتی کونسل نے دہشتگردی کیخلاف ہمہ جہت جامع آپریشن شروع کرنے کی منظوری دیدی ذرائع کے مطابق قومی سلامتی کونسل کے اجلاس میں آئی ایس آئی اور اس کے ڈائریکٹر جنرل (ڈی جی) لیفٹیننٹ جنرل ندیم انجم کو شاندار خراج تحسین پیش کیا گیا۔ذرائع نے بتایاکہ وزیراعظم اورشرکاء نے ڈیسک بجا کر ڈی جی آئی ایس آئی کو شاندار کارنامے پر شاباش دی اور کہا کہ گلزار امام بلوچ کو گرفتار کرنا بڑا کارنامہ ہے، پروفیشنل ازم کا ثبوت ہے۔ذرائع کے مطابق شرکا نے کہا کہ بلوچ نیشنل آرمی اور ’براس‘ کے بانی رہنما کی گرفتاری دنیا میں دوسرا اور پاکستانی تاریخ کا پہلا آپریشن قرار دیا، یہ آپریشن انٹیلی جنس کے شعبے میں ایک نمایاں کارنامے کے طور پر یاد رکھا جائے گا۔
