سوڈان میں انخلا کے آپریشن میں شامل ترکیہ کے طیارے پر فائرنگ

سوڈان میں پیرا ملٹری فورسز نے ترکیے کے انخلا کے آپریشن میں شامل طیارے پر فائرنگ کی ہے۔سوڈانی فوج کا کہنا ہے کہ خرطوم کے مضافات میں موجود ایئر پورٹ پر لینڈنگ کے دوران ترک طیارے کو نشانہ بنایا گیا۔سوڈانی فوج کے مطابق فائرنگ سے طیارے کے عملے کا ایک رکن زخمی ہوا اور ایندھن کی فراہمی کو نقصان پہنچا۔غیرملکی میڈیا کے مطابق جنگ بندی کے باوجود فوج اور پیرا ملٹری فورسز کے درمیان سوڈان میں اب بھی جھڑپیں جاری ہیں۔