ایران کا موساد سے منسلک گروہ کے 6 ارکان کو گرفتار کرنیکا دعویٰ

تہران:ایرانی حکام نے دعویٰ کیا ہے کہ ملک کی مشرقی سرحدکے قریب اسرائیل سے منسلک تخریب کار گروہ کو گرفتار کیا گیا ہے۔ ایرانی وزیر انٹیلی جنس اسماعیل خطیب نے کہا ہے کہ اسرائیلی تخریب کار گروہ کو مشرقی سرحد سے ایران میں داخل ہوتے ہوئے گرفتار کیا گیا۔ ایرانی وزیر نے گرفتار افراد کی تعداد یا ان سے متعلق مزید معلومات فراہم نہیں کی تاہم ان کا کہنا تھا کہ عراق کی نئی حکومت کی جانب سے تعاون کی یقین دہانی کے بعد ہمیں امید ہے کہ وہ اپنی ذمہ داریاں بہتر طریقے سے انجام دیں گے تا کہ سرحدی علاقے کی سکیورٹی صورتحال بہتر ہوسکے۔ واضح رہے کہ اس سے قبل بھی ایرانی وزارت انٹیلی جنس کی جانب سے ایران میں موساد سے منسلک گروہ کے 6 ارکان کو گرفتار کرنے کا دعویٰ کیا گیا تھا۔