بشریٰ بی بی کا درج مقدمات کی تفصیلات لینے اور گرفتاری رکوانے کیلئے لاہور ہائیکورٹ سے رجوع

لاہور(مانیٹرنگ ڈیسک)چیئرمین پی ٹی آئی کی اہلیہ بشریٰ بی بی نے پاکستان بھر میں درج مقدمات کی تفصیلات لینے اور گرفتاری رکوانے کے لئے لاہور ہائیکورٹ سے رجوع کر لیا۔بشریٰ بی بی نے انتظار پنجوتھااور اعجاز بٹر ایڈووکیٹ کی وساطت سے آئینی درخواست دائر کی۔ درخواست میں وفاقی حکومت، صوبائی حکومتوں، تمام آئی جیز اور ایف آئی اے سمیت دیگر کو فریق بنایا گیا ۔بشریٰ بی بی نے موقف اپنایا کہ مصدقہ اطلاعات ہیں کہ میرے خلاف کئی فوجداری مقدمات درج کئے گئے جبکہ مقدمات کی تفصیلات فراہم نہیں کی جا رہیں اور خدشہ ہے کسی بھی خفیہ مقدمے میں گرفتاری ہو سکتی ہے۔ اپنے خلاف درج تمام کیسز کی تفصیلات لینا آئینی اور قانونی حق ہے۔درخواست میں استدعا کی گئی کہ لاہور ہائیکورٹ پاکستان بھر میں درج مقدمات کی تفصیلات طلب کرے، عدالت کسی خفیہ مقدمے میں غیر قانونی گرفتاری سے بھی روکنے کا حکم جاری کرے۔