موغا دیشو کے ہوٹل میں الشباب کا حملہ، 6 افراد ہلاک، 10 زخمی، 80 یرغمالی رہا

موغا دیشو (مانیٹرنگ ڈیسک) صومالیہ کے دارالحکومت موغا دیشو کے ایک معروف ہوٹل میں تنظیم الشباب کے حملے میں 6 افراد ہلاک اور 10 زخمی ہوگئے۔ غیر ملکی میڈیا کے مطابق حملے کے بعد صومالی پولیس اور سکیورٹی فورسز نے ریسکیو آپریشن کرتے ہوئے 80 یرغمالیوں کو رہا کرالیا۔ آپریشن کے دوران صومالی فورسز کے 3 اہلکار ہلاک ہوگئے۔ حکام کا کہنا ہے کہ آپریشن میں تمام حملہ آور مارے گئے، تاہم حملہ آوروں کی تعداد نہیں بتائی گئی۔