آئی سی سی نے ٹیسٹ اور ون ڈے پلیئرز کی نئی عالمی رینکنگ جاری کر دی

دبئی (مانیٹرنگ ڈیسک)انٹر نیشنل کرکٹ کونسل نے ٹیسٹ اور ون ڈے پلیئرزکی عالمی رینکنگ جاری کر دی ہے ۔تفصیلات کے مطابق عالمی ٹیسٹ رینکنگ میں انگلینڈ کے مایہ ناز بلے باز جوئے روٹ 5 درجے ترقی کرتے ہوئے پہلی پوزیشن پر براجمان ہو گئے ہیں جبکہ کین ولیمسن 2 درجے ترقی کے بعد دوسری پوزیشن پر آ گئے ہیں ،آسٹریلیا کے مارنس2 درجے تنزلی کے بعد تیسرے اور ٹراویس ہیڈ 1 درجہ تنزلی کے بعد چوتھے نمبر پر آ گئے ہیں۔ پاکستان کے کپتان بابراعظم اس فہرست میں پانچویں پوزیشن پر برقرار ہیں ، سٹیو سمتھ 4درجے تنزلی کے بعد چھٹی ، عثمان خواجہ 2درجے بہتری کے بعد ساتویں، ڈیرل مچل آٹھویں ، ڈیموتھ کروناتنے نویں اور رشب پنت دسویں پوزیشن پر ہیں ۔ٹیسٹ باؤلرز کی ریکنگ میں بھارتی باؤلر ایشون پہلے نمبر اور انگلینڈ کے جیمز اینڈر سن دوسرے نمبر پر برقرار ہیں ،ربادا تیسری ، پیٹ کیومنز چوتھی ، اولی روبنسن پانچویں، نتھان لیون چھٹی پوزیشن پر ہیں، پاکستان کے شاہین شاہ آفریدی 2 درجے تنزلی کے بعد ساتویں پوزیشن پر آ گئے ہیں ،جسپریت بمراہ آٹھویں، رویندر جدیجہ نویں اور سٹورٹ بورڈ دسویں نمبر پر ہیں ۔ٹیسٹ کرکٹ میں آل راؤنڈر ز کی فہرست میں پاکستان کا کوئی کھلاڑی شامل نہیں ہے ، اس فہرست میں بھارت کے رویندر جدیجہ پہلے ، ایشون دوسرے ، بنگلہ دیش کے شکیب الحسن تیسرے ، بھارت کے اکشر پاٹیل چوتھے ، بین سٹوکس پانچویں، جیسن ہولڈر چھٹے ، کیل میئرز ساتویں ، جوئے روٹ آٹھویں ، مچل سٹارک نویں ، پیٹ کیومنز دسویں نمبر پر ہیں ۔ون ڈے رینکنگ میں بلے بازوں کی فہرست میں بابراعظم بدستور پہلی پوزیشن پر براجمان ہیں ، دوسری پر جنوبی افریقہ کے راسی وان ڈیر ڈوسن ، فخر زمان تیسری ، امام الحق چوتھی ، شبمن گل پانچویں، ڈیوڈ وانر چھٹی ، ہیری ٹیکٹر ساتویں ، ویرات کوہلی آٹھویں، کوئنٹن ڈی کاک نویں ، اور روہت شرما دسویں نمبر ہیں ۔بہترین باؤلرز کی فہرست میں ٹاپ پوزیشن پر آسٹریلیا کے جوش ہیزل ووڈ موجود ہیں جبکہ بھارت کے محمد سراج دوسرے ، مچل سٹارک تیسرے ، میٹ ہیری چوتھے ، ٹرینٹ بولٹ پانچویں ، آدم زامپا چٹے ، راشد خان ساتویں ، شاہین شاہ آفریدی آٹھویں ، مجیب الرحمان نویں اور محمد نبی دسویں نمبر پر ہیں ۔آل راؤنڈرز میں پاکستان کا کوئی کھلاڑی شامل نہیں، پہلی پوزیشن بنگلہ دیش کے شکیب الحسن ، دوسری محمد نبی، تیسری ذیشان مقصود ، راشد خان چوتھی، اسد والا پانچویں ، سکندر رضا چھٹی، وانندو ہرسانگا ساتویں، مہدی حسن آٹھویں، مچل سینٹنر نویں، دھننجے ڈی سلوا دسویں نمبر پر ہیں۔