کوہلو میں لائبریری میں یونین کونسل دفتر کیخلاف طلبا کی احتجاجی ریلی اور شٹر ڈاﺅن ہڑتال
کوہلو (انتخاب نیوز) کوہلو کی واحد لائبریری پر قبضہ کرکے سیاسی دفتر بنانے کا معاملہ۔ طلباءالائنس اور قبائلی عمائدین کی کال پر کوہلو شہر میں شٹر ڈاو¿ن ہڑتال، کاروباری مراکز بند۔ کوہلو میں واحد پبلک لائبریری کو یونین کونسل دفتر میں تبدیل کرنے کیخلاف طلبا الائنس اور قبائلی عمائدین کی جانب سے شدید احتجاج کرتے ہوئے ریلی نکالی گئی، کوہلو شہر میں شٹر ڈاﺅن ہڑتال کے باعث دکانیں اور کاروباری مراکز بند رہے۔ مظاہرین نے احتجاج کرتے ہوئے مطالبہ کیا کہ کوہلو میں قائم واحد پبلک لائبریری کو یونین کونسل دفاتر میں تبدیل کرنا تعلیم دشمن عمل ہے، یونین کونسل کا دفتر ختم کرکے لائبریری کو دوبارہ بحال کیا جائے۔ دریں اثناءاطلاعات کے مطابق محکمہ صوبائی لائبریرین نے کوہلو کی پبلک لائبریری کو چیئرمین اور وائس چیئرمین کے دفتر کے لیے الاٹ کرنے کو غیر قانونی قرار دیکر لائبریری بطور دفتر دینے کے لیے صاف انکار کرتے ہوئے ڈی سی کوہلو کو مراسلہ ارسال کردیا۔
