ڈان کے پارٹ3 سے شاہ رخ خان آؤٹ، رنویر سنگھ اِن

نئی دہلی(مانیٹرنگ ڈیسک)12 سال بعد انتظار کی گھڑیاں ختم ہوگئیں، ڈان کے نئے پارٹ میں شاہ رخ خان کی جگہ رنویر سنگھ ڈان ہوں گے۔فلمساز فرحان اختر نے ڈان کے نئے پارٹ کا اشارہ دے دیا۔ تفصیلات میں جائے بغیر فرحان اختر نے کہا کہ نئے پارٹ سے نئے دور کا آغاز ہوگا، انہوں نے ایک ویڈیو شیئر کی جس میں یہ الفاظ تحریر تھے۔کچھ ہی لمحوں میں سپر اسٹار شاہ رخ خان کے پرستاروں نے کمنٹس کیے کہ نئے پارٹ میں صرف شاہ رخ خان کو کاسٹ کریں، اگر شاہ رخ نہ ہوئے تو ڈان 3 نہیں چاہیے۔کچھ دنوں قبل بھارتی میڈیا رپورٹ میں کہا گیا تھا کہ فرحان اختر جلد ہی ڈان 3 کا اعلان کریں گے۔کہا جا رہا ہے کہ ڈان 3 کا ٹیزر اسی ہفتے ریلیز ہوگا، رنویر سنگھ سنجے لیلیٰ بھنسالی کی فلم ‘بیجو باورا’ کی شوٹنگ مکمل کرکے ڈان 3 کی عکسبندی شروع کریں گے۔