اسرائیلی آبادکاروں کے فلسطینیوں کی املاک پر حملے

نابلس،راملہ (مانیٹرنگ ڈیسک)اسرائیلی آبادکاروں نے کئی علاقوں میں فلسطینیوں اور ان کی املاک پر حملہ کیامغربی کنارے میں یہودی آباد کاروں نے فلسطینیوں اور ان کی املاک پر حملے کئے۔ غیرملکی خبررساں ادارے کے مطابق درجنوں آباد کاروں نے نابلس کے جنوب میں قصرہ قصبہ پر دھاوا بولا اور فلسطینی کسانوں پر حملہ کردیا۔ اس دوران قابض فورسز نے فلسطینیوں پر گیس اور صوتی بم برسائے۔راملہ کے شمال مغرب میں واقع المزرعہ گائوں میں آباد کاروں نے اسرائیلی قابض افواج کی حفاظت میں دھاوا بول دیا۔ اس موقع پر بھی اسرائلی فوج نے گاں والوں کو آنسو گیس کے بموں سے نشانہ بنایا۔ادھر جنوبی غزہ میں قابض اسرائیلی فوج کی بحریہ کی طرف سے فلسطینی ماہی گیروں کی کشتیوں پر فائرنگ کی گئی۔ اس وقت فلسطینی ماہی گیر تقریباًچار کلو میٹر دور سمندر میں تھے۔اسرائیلی فوج کی فائرنگ سے ایک کشتی سمندر میں ڈوب گئی تاہم ماہی گیروں کا کوئی جانی نقصان نہیں ہوا،ماہی گیر کشتی رانی چھوڑ کر واپس آگئے۔