بھائی دس سال سے لاپتا ہے، پولیس اہلکار ہوتے ہوئے بھی حکومت بازیاب نہیں کراسکی، ہمشیرہ

سوراب (پ ر) لاپتہ پولیس کانسٹیبل سیف اللہ رودینی کی ہمشیرہ فرزانہ رودینی نے کہا ہے کہ میرا بھائی کئی سال سے بغیر کسی جرم کے عقوبت خانوں میں قید ہے۔ ایک پولیس کانسٹیبل کو زبردستی غائب کردیا گیا۔ انہوں نے مزید کہا کہ میرے بھائی کو 22 نومبر 2013ئ کو سوراب سے خضدار ڈیوٹی پر جاتے ہوئے راستے سے اٹھایا گیا، 10 سال گزر گئے وہ تاحال لاپتہ ہے اور اب تک ان کے بارے میں ہمیں کوئی معلومات فراہم نہیں کی جارہی جو اجتماعی سزا اور بنیادی انسانی حقوق کی سنگین خلاف ورزی کے مترداف ہے۔ لہٰذا میں انسانی حقوق کی تنظیموں سے اپیل کرتی ہوں کہ میرے بھائی سیف اللہ رودینی کو بازیاب کرانے کے لئے کردار ادا کریں اور ہمیں اس طویل انتظار سے چھٹکارا دلائیں کیونکہ انتظار کے لمحے بہت اذیت ناک ہوتے ہیں۔