اسرائیل کی بمباری جاری،مزید 12 فلسطینی جاں بحق

غزہ(مانیٹرنگ ڈیسک)غزہ کی پٹی کے علاقے خان یونس میں بھی اسرائیل نے فضائی حملہ کر دیا جس کے نتیجے میں 12 فلسطینی شہید اور 40 زخمی ہوگئے۔فلسطینی وفا نیوز ایجنسی کے مطابق اسرائیل کی جانب سے حملہ ایک ’’ریو‘‘ نامی کیفے پر کیا گیا جس میں درجنوں فلسطینی زخمی بھی ہوئے۔ریسکیو ٹیموں نے حملے کے فوری بعد زخمیوں کو طبی امداد کے لیے اسپتال منتقل کیا۔واضح رہے کہ شمالی غزہ سے ہزاروں فلسطینی ہجرت کرکے اس وقت خان یونس میں موجود ہیں۔ شمالی غزہ میں اسرائیلی بمباری سے سیکڑوں گھر تباہ ہوچکے ہیں۔