عراق میں امریکی فوجی اڈے پر میزائل، راکٹوں سے حملہ، 2اہلکار زخمی

بغداد(صباح نیوز)عراق میں امریکی فوج کے اڈے پر بیلسٹک میزائل اور راکٹ حملوں میں ایک امریکی اور عراقی سمیت 2 فوجی زخمی ہو گئے۔ امریکی حکام نے بتایا کہ عین الاسد ایئربیس پر حملے میں امریکی فوجی کو معمولی زخم آئے جبکہ عراقی سیکیورٹی فورسز کا اہلکار شدید زخمی ہوا ہے۔ امریکی سینٹرل کمانڈ نے کئی میزائل کو ہدف تک پہنچنے سے قبل ہی مار گرانے کا دعوی کیا ہے۔ عرب میڈیا کے مطابق حملہ اسرائیلی فضائیہ کی شامی دارالحکومت دمشق میں کارروائی کا ردعمل ہوسکتا ہے جس میں ایرانی فوج کے پانچ ارکان مارے گئے ہیں ۔