علی امین گنڈا پور کے اسلام آباد پر چھڑائی والے بیان پر قانونی چارہ جوئی ہوگی، گورنر خیبر پختونخوا

کراچی(مانیٹرنگ ڈیسک)گورنر خیبر پختونخوا فیصل کریم کنڈی نے مزار قائد پر حاضری دی، اس موقع پر انہوں نے میڈیا سے گفتگو کرتے ہوئے کہا کہ اس وقت پاکستان کو مختلف چیلنجز درپیش ہیں، میری کوشش ہوگی کہ میں خیبر پختونخوا کا وکیل بنوں، ہم نفرتوں کا خاتمہ کریں گے۔ صوبے کی گورننس زیادہ بہتر نہیں ہے، صوبے کی ترقی کے لیے اپنا کردار ادا کروں گا۔فیصل کریم کنڈی کا مزید کہنا تھا کہ کے پی کے میں گورننس زیادہ بہتر نہیں ہے، میں نفرتوں کے خاتمے کے لیے کردار ادا کروں گا۔انہوں نے کہا کہ عوام کوسہولیات کی فراہمی یقینی بناناہماری اولین ترجیح ہوگی۔ امن دشمنی کے خلاف جنگ میں اپنے اہلکاروں کا مورال بلندکریں گے۔ وزیراعلیٰ خیبرپختونخوا کے بیان کی نفی کرتاہوں۔ وزیراعلیٰ خیبرپختونخوا کے اسلام آباد پر چڑھائی کے بیان پرقانونی چارہ جوئی ہوگی۔گورنر کے پی کے نے کہا کہ صوبے میں امن و امان کی صورت حال ٹھیک نہیں ہے۔ پختونخوا میں معیشت کی حالت دگرگوں ہے۔ کے پی کے میں سکیورٹی اہلکاروں پر حملوں کا سدباب ضروری ہے۔ ہر سیاسی جماعت کے ساتھ مذاکرات کے لیے دروازے کھلے ہیں۔انہوں نے کہا کہ میں وفاق اور صوبے کو قریب لاو¿ں گا، نفرت نہیں ، محبت بڑھانا چاہتا ہوں۔ اللہ کی مہربانی اور پارٹی کے اعتماد سے گورنر خیبر پختونخوا کا عہدہ سنبھالا ہے۔ کوشش ہوگی خیبر پختونخوا میں امن قائم ہو۔