عالمی بینک نے پاکستان کو مزید 15 کروڑ ڈالر قرض کی منظوری دے دی

اسلام آباد(مانیٹرنگ ڈیسک)عالمی بینک نے پاکستان کو 15 کروڑ ڈالر کے مزید قرض کی منظوری دے دی ہے، جو پنجاب میں اسکول سے باہر رہنے والے بچوں کے لیے خرچ ہوں گے۔ عالمی بینک کی جانب سے پاکستان کے لیے 15 کروڑ ڈالر کا قرض منظور کر لیا گیا ہے اور یہ رقم پنجاب میں اسکول سے باہر رہنے والے بچوں کی تعداد کم کرنے کے لیے تیار مننصوبے پرخرچ ہوگی۔واضح رہے کہ اس سے قبل 11 جون کو عالمی بینک نے پاکستان کے لیے ایک ارب ڈالر قرض کی منظوری دی تھی۔عالمی بینک کے اعلامیے میں کہا گیا تھا کہ ملنے والی قرض کی رقم داسو ہائیڈرو پاور منصوبے میں استعمال ہو گی۔