دکی ، رہنما جمعیت علماء اسلام کے قتل میں ملوث دو ملزمان گرفتار
دکی(یو این اے )دکی پولیس نے کاروائی کرتے ہوئے جمعیت علماء اسلام کے رہنماء کے قتل میں ملوث دو ملزمان کوگرفتارکرلیاہے ۔ ڈی ایس پی جان محمد کھوسہ نے پریس کانفرنس سے خطاب کرتے ہوئے بتایاکہ گزشتہ روزپولیس کی جانب سے جمعیت علما اسلام کے رہنماء مولانا عبدالجبار قتل کیس میں دو ملزمان گرفتار کرلئے گئے کاروائی سپیشل برانچ کی سربراہی میں پولیس نے کی کاروائی کے دوران دو ملزمان گرفتار کرکے مسروقہ موٹر سائیکل اور واردات میں استعمال ہونے والی پستول بھی برآمد کرلی گئی ہے گرفتار ملزمان میں عصمت اللہ ہوتک اور محمد سلیم خروٹی شامل ہیں گرفتار ملزمان واردات کے بعد علاقہ چھوڑ کر خانوزئی منتقل ہوگئے تھے گزشتہ روز ملزمان کا واپس دکی پہنچنے پر کاروائی کی گئی دونوں ملزمان نے اعتراف جرم کرلیا ہے ملزمان کے خلاف پستول برآمدگی کا مقدمہ بھی درج کرلیا گیا ہے گرفتار ملزمان نے 31 مئی کو ناصر آباد کے علاقے میں ڈکیتی کے واردات کے دوران مولانا جبار سے موثرسائیکل چھین کر مزاحمت پر اسے فائرنگ کرکے قتل کیا تھا اندھے قتل کو ٹریس کرنے میں انچارج سپیشل برانچ دکی محمد اسلم ناصر اور ایس ایچ او دکی جلیل احمد مری نے اہم کردار ادا کیا گرفتار ملزمان سے مزید تفتیش جاری ہے ۔
