وفاقی کابینہ نے5 سالہ نجکاری پروگرام کی منظوری دے دی
اسلام آباد (آن لائن)وفاقی کابینہ نے5 سالہ نجکاری پروگرام کی منظوری دے دی،2024 تا 2029پروگرام کے تحت 24 اداروں کی نجکاری کی جائے گی،ذرائع کے مطابق جائزے کے بعد مزید ادارے بھی نجکاری پروگرام میں شامل کئے جائیں گے، پروگرام کے تحت 3 مراحل میں اداروں کی نجکاری کی جائے گی،پی آئی اے،ہاوس بلڈنگ فنانس کارپوریشن کانجکاری عمل جلد مکمل کیاجائےگا،سرکاری بجلی تقسیم کاراور پیداواری کمپنیوں کی نجکاری کی جائے گی،پہلے مرحلے میں فیصل آباد،اسلام آباد،گوجرانوالہ الیکٹرک پاور کمپنیوں کی نجکاری ہوگی،لیسکو،میپکو،پیسکو،ہیسکو،سیپکو اورحیسکو کی نجکاری دوسرے مرحلے میں ہوگی،یوٹیلیٹی اسٹورزکارپوریشن اور اسٹیٹ لائف انشورنس کارپوریشن کی نجکاری ہوگی،پاکستان ری انشورنس کمپنی کی نجکاری بھی فہرست میں شامل ہے،نجکاری کیلئے منظور شدہ اداروں کا جامع نجکاری پلان کابینہ میں پیش کیاجائے گا۔
