گوادر کے مضافات کو پانی فراہم کرنے والی مرکزی پائپ لائن بحال کردی گئی
گوادر (یو این اے ) اکڑا ڈیم سے گوادر کے مضافاتی علاقوں کو پانی فراہم کرنے والی مرکزی پائپ لائن بحال کر دی گئی جو نگور شریف کے قریب اس پائپ لائن کی ٹوٹ پھوٹ نے ہزاروں لوگوں کو صاف پانی سے محروم کر دیا تھا، جس سے نگور، چب کلمتی، چب ریکانی، اور دیگر قریبی علاقوں کی پانی کی سپلائی متاثر ہوئی تھی۔ تاہم پبلک ہیلتھ کے ایکسین مومن علی بلوچ کی قیادت میں محکمہ کے عملے نے فوری رد عمل دیتے ہوئے اس سنگین مسئلے کو تیزی سے حل کیاموثر منصوبہ بندی اور بے مثال کوششوں کے نتیجے میں یہ اہم پائپ لائن بحال کر دی گئی ہے، جس کے بعد علاقے کے باسیوں کو دوبارہ پانی کی فراہمی معمول پر آگئی ہے گوادر کو پانی کی بحالی کی اس کامیابی نے علاقے کے لوگوں میں اطمینان اور سکون کی لہر دوڑا دی ہے، جنہوں نے گزشتہ دنوں پانی کی کمی کی وجہ سے شدید مشکلات کا سامنا کیا تھا۔ عوامی ضروریات کو مدنظر رکھتے ہوئے یہ کام نہایت تیزی اور مثر طریقے سے مکمل کیا گیا، جس کی بدولت علاقے کے لوگوں کی روزمرہ زندگی دوبارہ سے معمول پر آ گئی ہے
