شیر افضل مروت کے گھر کو آگ لگا دی گئی

لکی مروت (صباح نیوز) پاکستان تحریک انصاف کے رہنما اور رکن قومی اسمبلی شیر افضل مروت کے حجرے کو نامعلوم افراد نے آگ لگا دی۔ریسکیو 1122 کے مطابق آگ سے فرنیچر وغیرہ کو نقصان پہنچا تاہم کوئی جانی نقصان نہیں ہوا۔سماجی رابطے کی ویب سائٹ ایکس پر شیر افضل مروت نے دعویٰ کیا کہ گزشتہ آدھی رات کو میرے آبائی گائوں بیگو خیل لکی مروت میں نامعلوم شرپسندوں نے میرے حجرے کو آگ لگا دی۔ انہوں نے مزید لکھا کہ فائر بریگیڈ اور 1122 نے دو گھنٹے بعد آگ پر قابو پایا، میرے ذہن میں کوئی شک نہیں کہ یہ ان شرپسندوں کا ہاتھ ہے جنہوں نے اسلام آباد میں میرا گھر گرایا۔پی ٹی آئی رہنما نے اپنی پوسٹ میں لکھا کہ ایک وقت آئے گا جب ان شرپسندوں سے ان جرائم کا حساب لیا جائے گا۔