آئیوری کوسٹ، ٹینکر اور بس میں تصادم، 13 افراد ہلاک، 45 زخمی

یاموسوکرو(صباح نیوز)مغربی افریقہ کے ملک آئیوری کوسٹ میں ایک ٹینکر اور بس میں تصادم کے نتیجے میں 13 افراد ہلاک اور 45 زخمی ہو گئے۔ غیرملکی خبررساں ادارے کے مطابق ملک میں مہلک حادثات کی نگرانی کرنے والے پلیٹ فارم پولیس سیکورس نے کہا کہ مسافروں کو لے جانے والی ایک بس اور مخالف لین پر پٹرول سے بھرے ٹینکر میں ٹکر ہوگئی جہاں بنا انڈیکیٹر والے کھڑے مال بردار ٹرک نے سڑک کی چوڑائی کو تنگ کر دیا تھا۔گاڑیاں شمالی آئیوری کوسٹ کے دو بڑے شہروں بواکے اور کورہوگو کے درمیان ہائی وے پر ٹکرا گئیں۔پولیس سیکورس نے بتایا کہ بس اور ٹینکر کے درمیان تصادم سے خوفناک شدت کی آگ بھڑک اٹھی اور آگ کے شعلوں سے 13 لاشیں جل گئیں۔ زخمیوں کو قریبی شہروں کاٹیولا اور نیاکارا کے ہسپتالوں میں منتقل کردیا گیا۔واضح رہے کہ آئیوری کوسٹ میں کئی سڑکوں اور کاروں کی خراب حالت اور لاپرواہی سے ڈرائیونگ کی وجہ سے جان لیوا حادثات اکثر ہوتے رہتے ہیں۔