سپین ، طوفانی بارشوں سے سیلابی صورتحال ،اموات کی تعداد 150 ہو گئی

میڈرڈ(صباح نیوز) سپین میں طوفانی بارشوں کے نتیجے میں آنے والے سیلاب نے تباہی مچا دی، ہلاکتوں کی تعداد 150 ہو گئی،متعدد لاپتہ ہیں۔ غیرملکی خبررساں ادارے کے مطابق مشرقی صوبے والنسیا میں شدید بارشوں کی وجہ سے آنے والے سیلاب سے نظام زندگی درہم برہم ہو گیا ۔ سیلاب سے انفرا سٹرکچر کو بھی شدید نقصان پہنچا۔ سیلاب متعدد سڑکوں اور پلوں کو بہا لے گیا، سیلابی ریلوں میں متعدد لوگ لاپتہ بھی ہو گئے جن کی تلاش کا کام جاری ہے۔ بڑے پیمانے پر ہلاکتوں کے باعث سپین کے وزیر اعظم نے 3 روزہ قومی سوگ کا اعلان کیا ہے، حکومت نے مزید ہلاکتوں کا خدشہ بھی ظاہر کیا کیا ہے۔اس سے قبل 1973 میں سپین میں آنے والے سیلاب کی وجہ سے درجنوں افراد ہلاک ہوئے تھے۔