اومان نے اپنا پہلا سیٹلائٹ خلا میں بھیج دیا
مسقط(صباح نیوز) اومان نے اپنا پہلا سیٹلائٹ خلا میں بھیج دیا۔ غیرملکی خبررساں ادارے کے مطابق یہ سیٹلائٹ اومان کے لئے خلا سے ایسا ڈیٹا اور تصاویر فراہم کرے گا جو آنے والے سالوں کے دوران سلطنت اومان کے لیے شہری پلاننگ ، جنگلات کی نگرانی اور ڈیزاسٹر مینجمنٹ شعبے کےلئے مفید ہوں گی۔اس سیٹلائٹ کو اومان نے او ایل۔ 1 کا نام دیا ہے، جسے مصنوعی ذہانت کی جدید سہولت سے جدید ترین ٹیکنالوجی کا حامل بنایا گیا ، اسے چین کی مدد سے چین راکٹ مینوفیکچرنگ سی اے ایس سپیس سے لانچ کیا گیا،ملک کا جدید ترین ٹیکنالوجی کی بنیاد پر مقامی طور پہلا تیار کردہ یہ سیٹلائٹ مشاہداتی صلاحیت کے حوالے سے غیر معمولی ہے جو مصنوعی ذہانت سے مزین ہونے کی وجہ سے غیر معمولی فاصلے سے بھی چیزوں کو سمجھنے کی اہلیت کا حامل ہے۔اس کی تیاری بنیادی طور پر اومان کی فضاﺅں کی مانیٹرنگ اور جائزے کے لئے کی گئی جو ریئل ٹائم میں تصاویر کی فراہمی میں مدد دے گا جس سے قدرتی وسائل کے حوالے سے بھی اومان کو اپنے منصوبے تیزی سے آگے بڑھانے میں مدد مل سکے گی۔
