گوادر میں چار روزہ کتاب میلہ 2025 کا افتتاح

گوادر(نمائندہ انتخاب )آر سی ڈی کونسل میں گوادر بک فیئر 2025 کا شاندار افتتاح کر دیا گیا، جس میں نامور علمی، ادبی اور سماجی شخصیات نے شرکت کی۔تقریب کے مقررین نے کتاب میلے کو نوجوانوں میں کتب بینی کے فروغ اور فکری ترقی کے لیے اہم سنگ میل قرار دیا۔ اس موقع پر معروف نوجوان لوک گلوکار یونس اور دیدگ بلوچ نے اسکول کے بچوں کے ہمراہ اپنی فنی صلاحیتوں کا شاندار مظاہرہ کیا، جسے حاضرین نے بے حد سراہا۔افتتاحی تقریب کے دوران ربن کاٹنے کی رسمی تقریب کے ساتھ کتابوں کے اسٹالز کا بھی افتتاح کیا گیا، جہاں مختلف موضوعات پر کتابوں کی وسیع رینج نے قارئین اور زائرین کی بھرپور توجہ حاصل کی۔گوادر بک فیئر اتوار تک جاری رہے گا، جس میں مختلف ادبی و فکری نشستیں اور دیگر سرگرمیاں بھی منعقد کی جائیں گی۔