دبئی میں فتح کا جھنڈا گاڑھ کر پیغام دیں گے کہ ہر جگہ بھارت کو ہرا سکتے ہیں، عطا تارڑ

مانیٹر نگ ڈیسک : وفاقی وزیر اطلاعات و نشریات عطا اللہ تارڑ نے چیمپئنز ٹرافی کے پاک بھارت میچ میں گرین شرٹس سے جیت کی امید لگالی۔ڈان نیوز کے مطابق عطااللہ تارڑ نے کہا کہ شاہینوں کو پیغام دیا کہ بھارت نے پاکستان میں میچ کھیلنے سے انکار کیا تھا، دبئی میں فتح کا جھنڈا گاڑھ کر بھارت کو پیغام دیں گے کہ ہر جگہ بھارت کو ہرا سکتے ہیں۔انہوں نے کہا کہ میری دعا ہے کہ پاکستان کی ٹیم آج کا میچ جیتے، خواہش ہے کہ محمد رضوان آج سینچری اسکور کریں۔انہوں نے کہا کہ دنیا بھر کی ٹیمیں پاکستان میں کھیل رہی ہیں، لیکن بھارت انکار کردیا، انگلیڈ اور آسٹریلیا کوپاکستان میں کھیلتا دیکھ کر دل خوش ہوگیا۔وفاقی وزیر نے کہا کہ پاکستان میں کھیلوں کے عالمی مقابلوں کی بحالی پر اللہ تعالیٰ کا شکر ادا کرتے ہیں، امید ہے آئندہ بھی عالمی کرکٹ مقابلوں کے میچز پاکستان میں کھیلے جائیں گے۔