شمالی وزیرستان، میر علی کے مدرسے میں بارودی مواد پھٹنے سے 2 بچے جاں بحق، 8 زخمی ہوگئے

پشاور (ویب ڈیسک) شمالی وزیرستان کے علاقہ میر علی کے گاﺅں عیسوڑی میں مدرسے میں دھماکے سے 2 بچے جاں بحق جبکہ 8 زخمی ہوگئے۔ سیکورٹی ذرائع کے مطابق حادثہ خوارج کے چھوڑے گئے بارودی مواد سے بچوں کے کھیلنے کے دوران ہوا۔ سیکورٹی ذرائع کے کہنا ہے کہ خوارج نے سیکورٹی فورسز کا راستہ روکنے کے لیے بارودی سرنگیں بچھائیں۔ ذرائع کے مطابق خیبر پختونخوا میں 114 مربع کلو میٹر علاقے میں بارودی مواد اور بارودی سرنگوں کی نشاندہی کی گئی تھی، فوج نے 82 مربع کلو میٹر علاقہ بارودی مواد سے کلیئر کردیا ہے۔ سیکورٹی ذرائع کے مطابق خیبر پختونخوا میں باقی ماندہ علاقے کی ڈی مائننگ پر تیزی سے کام جاری ہے۔