کوئٹہ میں نرسری سے بچے کی تبدیلی کا معاملہ، نومولود کی قبر کشائی، ڈی این اے کے سیمپل لے لیے، پولیس ذرائع
کوئٹہ (صباح نیوز) نرسری سے بچے کی تبدیلی کا معاملہ، نومولود کی قبر کشائی، ڈی این یے کے سیمپل لے لئے۔پولیس ذرائع کے مطابق نومولود کی قبر کی کشائی مجسٹریٹ کی نگرانی میں کی گئی۔نومولود کو قمبرانی روڈ کے قبرستان میں دفن کیا گیا تھا۔ قبر کشائی کے وقت نومولود کے والد نظام الدین اور اس کے چچا خیر الدین سمیت انویسٹی گیشن آفیسر بھی موجود تھے۔ بی ایم سی اسپتال کے پولیس سرجن ڈاکٹر علی مردان نے نو مولود کا سیمپل لیا۔ پولیس ذرائع کے مطابق بچے کی والدہ کے بھی ڈی این اے کے لیے بلڈ سیمپل لیے جائیں گے۔ بچے اور والدہ کے نمونے ڈی این اے کے لیے لاہور بھیجے جائیں گے۔ رزلٹ انے کے بعد پتہ چلے گا کہ مرنے والا بچہ کس کا ہے کیا یہ نظام الدین کا ہے یا کسی اور کا۔ الشفا نرسری کو پولیس نے پہلے ہی سیل کر دیا ہے جبکہ دیگر غیر رجسٹر نرسریز کے خلاف بھی کاروائیاں جاری ہیں۔ بی ایم سی ہسپتال بروری روڑ ، سبزل روڑ کوئٹہ کے آس پاس غیر قانونی نرسریز کے خلاف بھی کاروائی عمل میں لائی جائے گی۔
